ТОШКЕНТ, 27 окт — Sputnik. Россиянинг “Вектор” ворусология маркази томонидан ишлаб чиқилган "ЭпиВакКорона"вакцинаси рўйхатга олинганидан сўнг ўтказиладиган синовларга тайёрланмоқда.
“Бир неча мустақил синовлар ўтказиш режалаштирилмоқда: 18 ёшдан ошган кўнгиллилар, мутлақ соғлом ва сурункали касаллиги бўлганлар ҳамда катта ёшлилар орасида. Дастлабки танловда 3 минг киши иштирок этади. Иккинчи босқичда 40 минг киши, жумладан, 150 нафар 60 ёшдан катта ва 14-17 ёшли кўнгиллилар”, - дейилган хабарда.
“Роспотребнадзор” хабарига кўра, рухсатнома олинганидан сўнг кўнгиллиларни таклиф қилиш бошланади. Синовлар ноябрь ойида бошланиши кутилмоқда. Вакицнани ишлаб чиқариш эса аллақачон бошланган.
Эслатиб ўтамиз, Россия Соғлиқни сақлаш вазирлиги 11 август куни "Спутник V" вакицнасини рўйхатга олган эди. Октябрь ойининг бошида "ЭпиВакКорона" – COVID-19га қарши иккинчи вакцина рўйхатга олинган эди.
Айни дамда Россияда учинчи вакцина ҳам клиник синовлар даражасида. РФАнинг Чумаков номидаги иммунобиологик маркази томониидан яратилган вакцина SARS-CoV-2 вируси асосида ишлаб чиқилган. Махсус ишлов берилган вирус ўзининг инфекцион хусусиятларини йўқотиб – иммунитет уйғотиш хусусиятига эга бўлган.