ТОШКЕНТ, 11 окт — Sputnik. Тошкент шаҳри Учтепа туманидаги савдо мажмуасида йирик ёнғин содир бўлди. Бу ҳақда пойтахт ФВБ матбуот хизмати хабар қилмоқда.
Хабарда ёшилишича, бугун соат 8:49 да тумандаги Фарҳод кўчасида жойлашган “Uchtepa Outlet Centre” савдо мажмуасида ёнғин келиб чиққан.
Ёнғин натижасида мажмуанинг ички ва том қисми 1500 кв.м майдонда ёнган. Ёнғин-қутқарув жанговар бўлинмалари манзилга соат 8:54 да етиб борган ва кўрилган тезкор чоралар натижасида ёнғин соат 9:54 да тўлиқ бартараф этилган. Ёнғин жойига 10 та ёнғин-қутқарув техникаси жалб қилинган.
Учтепа туманидаги савдо мажмуасида йирик ёнғин содир бўлди
© Пресс-служба МЧС Узбекистана
Ёнғин сабаблари ва ёнғиндан келтирилган моддий зарар миқдори аниқланмоқда.