ТОШКЕНТ, 5 окт — Sputnik. Вирусолог, "Вектор" маркази лабораториясининг собиқ мудири Александр Чепурнов "Ura.ru" порталига берган интервюсида коронавирус инфекциясидан фориғ бўлган кишиларда бу инфекцияга қарши иммунитет тахминан 6 ой давом сақланиб туради, деган тахминни айтди. РИА Новости хабарига асосан.
Унга кўра, COVID-19 дан тузалган беморларда 3-4 ой ичида антитаначалар бутунлай йўқолгунча камаяди. Шу билан бирга, 5-6 ойга келиб, ҳужайра иммунитети коронавирус антигенига жавоб беришни тўхтатади.
“Апрел ва май ойларида касал бўлганлар 6 ойдан кейин яна юқтириш хавфи остига тушади”, - дейди Чепурнов.
Мутахассис касал бўлганлар сонининг кўпайиши коронавирусга қарши иммунитетни шакллантиришга ёрдам бермайди, деб ҳисоблайди.
"Касал бўлганлар ёрдамида жамоавий иммунитетни шакллантиришга энди умид йўқ. <...> Бугун бунинг амалга ошириш имкони йўқлиги ойдин бўлди", - дейди вирусолог.