Оксана Чусовитина Киевда олтин медалга сазовор бўлди

Турнирда Ўзбекистон, Арманистон, Грузия, Исроил, Германия, Литва, Латвия, Словения, Беларусь ва Украинадан 85 нафар спортчи иштирок этган.
Sputnik

ТОШКЕНТ, 28 сен — Sputnik. Ўзбекистонлик спортчи Оксана Чусовитина Украинанинг Киев шаҳрида спорт гимнастикаси бўйича халқаро мусобақада олтин медални қўлга киритди. Бу ҳақда Миллий олимпия қўмитаси хабар бермоқда.

Чусовитина мусобақанинг аёллар ўртасида таяниб сакраш йўналишида ғолиб бўлди.

“Чусовитина кеча саралаш босқичидан муваффақиятли ўтди ва бугун финал босқичида ҳам ўзининг бетакрор чиқиши билан яна бир бор олтин медалга сазовор бўлди”, - дейилган хабарда.

Турнирда Ўзбекистон, Арманистон, Грузия, Исроил, Германия, Литва, Латвия, Словения, Беларусь ва Украинадан 85 нафар спортчи иштирок этган.