Самарқандда Қозоғистон бош консуллиги очилади

Самарқандда Қозоғистон бош консуллиги очилиши тўғрисидаги қарор президент Қосим-Жомарт Тоқаев томонидан имзоланган.
Sputnik

ТОШКЕНТ, 23 сен — Sputnik. Самарқандда Қозоғистон бош консуллиги очилиши тўғрисидаги қарор президент Қосим-Жомарт Тоқаев томонидан имзоланган.

Uzbekistan Airways Қозоғистонга бораётганларга муҳим эслатма билан чиқди

"Самарқандда (Ўзбекистон Республикаси) Қозоғистон Республикаси бош консуллигини очиш тўғрисида қарор қиламан. Қозоғистон Республикаси ҳукумати ушбу қарордан келиб чиққан ҳолда зарур чораларни кўриши лозим", - дейилади ҳужжатда.

Ушбу қарор имзоланган кундан бошлаб кучга кирган ҳисобланади.

Самарқанд Ўзбекистоннинг аҳоли сони бўйича иккинчи, катталиги жиҳатдан учинчи шаҳридир. Самарқанд вилоятининг маъмурий маркази саналади.

Самарқанд шаҳрида ярим миллионга яқин аҳоли истиқомат қилади.