ТОШКЕНТ, 14 сен — Sputnik. Оққуш аёлни ниқоб режимига риоя қилишга ноодатий тарзда “мажбур қилиши” акс этган видео интернетда тарқалди.
Парклардан бирида қизиқарли ҳолат юз берди. Аёл ниқобни иягига туширган ҳолда оққуш олдига яқинлашади, у эса тумшуғи билан ҳимоя воситасини унинг юзига тақиб қўйди.
RT телеканали маълум қилишича, видеони VЕNOM никли фойдаланувчи Twitter’да жойлаштирган.
Фойдалананувчилар қуш аёлга қандай қилиб ниқобни тўғри тақишни “ўргатди”, дея изоҳ ёзишди.
Айни вақтда видеоролик 25,7 млн марта томоша қилинди.