ТОШКЕНТ, 13 сен — Sputnik. Самарқанд вилояти Булунғур туманида йўлда ётган 20 ёшли йигитни “Нексия” босиб кетди. Бу ҳақда ИИВ ЙҲХББ ахборот хизмати хабар қилмоқда.
Ҳодиса 11 сентябрь куни соат 5:30 ларда туман ҳудудидан ўтган 4М 503 автомобиль йўлининг 4-километрида содир бўлган. 30 ёшли “Нексия” автомобили ҳайдовчиси М.А. йўл қатнов қисмининг ўртасида маст ҳолда чопонга ўраниб ётган пиёда 20 ёшли А.Э.ни устидан босиб ўтган.
Натижада 20 ёшли А.Э. оғир тан жароҳатлари олиб шифохонада вафот этган.
Мазкур ЙТҲ юзасидан Жиноят Кодексининг 266-моддаси 2-қисми (одам ўлимига олиб келган транспорт воситалари ҳаракати ёки улардан фойдаланиш хавфсизлиги қоидаларини бузиш) билан жиноят иши очилган.
Ҳозирда тергов ҳаракатлари олиб борилмоқда.