ТОШКЕНТ, 11 сен — Sputnik. Севимли инсон билан жинсий актдан ёки яхши овқатдан олинган лаззат "илоҳийдир", деди Рим папаси Франциск. Бу ҳақда понтифик иқтибослари келтирилган TerraFutura китобига таянган ҳолда AFP хабар бермоқда.
"Лаззат бевосита Худонинг ўзидан бошланади. У католикларга, насронийларга ёки яна аллакимга тегишли эмас. У шунчаки илоҳий", - деди Франциск.
Понтифик сўзларига кўра, черков ҳамиша "инсонийликка хос бўлмаган, қўпол ва ўта дағал лаззатни" қоралаган, аммо оддий ва ахлоқли алоқани қабул қилган.
Франциск фикрича, овқатдан олинадиган лаззат инсон соғлом бўлиб қолишига хизмат қилса, секс янада гўзаллаштиради ва насл давомчиси сифатида кафолат бўлиб хизмат қилади.