ТОШКЕНТ, 11 сен - Sputnik. АҚШ бир-икки ойдан сўнг Афғонистондаги ҳарбий контингенти сонини 4,5 минг нафаргача қисқартиради. Бу ҳақда АҚШнинг Афғонистон бўйича махсус вакили Залмай Халилзод хабар қилди, деб ёзади РИА Новости.
"Биз ҳозир иккинчи босқичидамиз (қисқартиришни). Биринчи босқич 8,6 минг (ҳарбий хизматчи) қисқартирилишини назарда тутади. Иккинчиси, тахминан 4,5 мингни, бу иш октябр ёки ноябр ўрталарида юз бериши мумкин. Биз шу йўлдамиз", - деди Халилзод.
АҚШ президенти Дональд Трамп илгарироқ америка ҳарбийлари сонини 4 мингтагача қисқартириш режасини тасдиқлаган эди.
Феврал ойи охирида Қатарда бўлиб ўтган маросимда АҚШ ва Афғонистон "Толибон" радикал харакати 18 йилдан ортиқ давом этган урушда биринчи тинчлик битимини имзоладилар, бу ҳужжат чет эл қўшинларининг Афғонистондан 14 ой ичида олиб чиқилишини ва асирлар алмашинуви битими тузилгандан кейин афғонлараро мулоқот бошланишини кўзда тутади.
АҚШ Давлат котиби Майк Помпеонинг сўзларига кўра, АҚШ 2021 йилнинг май ойига келиб Афғонистондан қўшинларни тўлиқ чиқаришни режалаштирмоқда.