ТОШКЕНТ, 2 сен - Sputnik. Ўзбекистонда бугундан 2020-2021 ўқув йилига кириш имтиҳонлари бошланди.
Имтиҳонлар соат 2 сентябрдан бошланиб 14 кун давомида 2 сменада бўлиб ўтади. Об-ҳаво ёмғирли бўлган кунларда имтиҳон кейинги кунга қолдирилади.
- Биринчи смена 8:00 - 11:00 гача
- Иккинчи смена 17:00 - 20:00 гача
Имтиҳонларга ўз вақтида кириш учун абитуриентларга 1 -1,5 соат олдин келиш тавсия этилади. Кечиккан абитуриентлар тестга киритилмайди.
Абитуриентлар ўзлари билан 2та ҳужжат олиб келишлари керак:
1. Паспорт (оригинал)
2. Абитуриент рухсатномаси
Бошқа ҳужжатлар: паспорт нусхаси, ҳарбий гувоҳнома, ҳайдовчилик гувоҳномаси - ўтмайди.
Абитуриент рухсатномасини абитуриентнинг шахсий кабинетидан юклаб олиш мумкин. Абитуриент гувоҳномасида тест санаси, вақти ва жойи кўрсатилган бўлади.
Имтиҳонлар очиқ ҳавода бўлиб ўтаётгани туфайли абитуриентларга бош кийимда келишга рухсат берилди.