ТОШКЕНТ, 30 авг — Sputnik. Испаниянинг “Барселона” футбол клуби ҳужумчиси Лионель Мессини Англиянинг “Манчестер Сити” клубига 280 миллион еврога сотишга тайёр. Бу ҳақда Mirror нашри хабар қилмоқда.
Нашр манбаси маълумотига кўра, “Барселона” футболчиларни ўзаро алмашиш ва қўшимча тўлов олиш вариантини ҳам кўриб чиқишга тайёр.
Аввалроқ аргентиналик футболчи Лионель Месси “Барселона”дан кетишини маълум қилган эди. ОАВ хабарига кўра, Мессининг ўзи ҳам “Манчестер Сити”га ўтиш истагини билдирган. Шунингдек, Месси билан шартнома имзолашга Франциянинг “Пари Сен-Жермен” ва Италиянинг “Ювентус” клублари даъвогарлик қилаётгани айтилмоқда.