ТОШКЕНТ, 17 авг — Sputnik. Бедарак йўқолган Одина Бахриддинова 16 август куни Тошкент шаҳар Мирзо-Улуғбек туманида топилди. Бу ҳақда Тошкент шаҳар ИИББ матбуот хизмати хабар қилди.
"Кеча, 16 август куни қидирувда бўлган Бахриддинова Одина Мирзо-Улуғбек туманида топилди. Тошкент шаҳар ИИББ 14-август, жума куни унинг қидирувида ёрдам сўраб мурожаат қилган эди.
Қиз дугонасининг уйида бўлган экан. Хавотирга ўрин йўқ.
Ўсмирнинг қидирувида фаол иштирок этганларга миннатдорчилик билдирамиз”, - дейилган хабарда.