ТОШКЕНТ, 10 авг — Sputnik. Ўзбекистон Мудофаа вазирлиги ҳарбийлари “Халқаро армия ўйинлари – 2020”да иштирок этиш учун Москва шаҳрига етиб келди. Бу ҳақда вазирлик матбуот хизмати хабар қилмоқда.
АрМИ-2020: ўзбек ҳарбийлари Москвага етиб келди
© Министерство обороны Узбекистана
Таъкидланишича, мудофаа вазири генерал-майор Баҳодир Қурбонов ҳар бир жамоа билан алоҳида суҳбатлашган ва йўл-йўриқлар кўрсатган. Шунингдек, вазир ҳарбийларга омад тилаган.
АрМИ-2020: ўзбек ҳарбийлари Москвага етиб келди
© Министерство обороны Узбекистана
Ҳарбий хизматчилар Москва шаҳрига етиб келган ва белгиланган ҳудудларга тақсимланган.
Эслатиб ўтамиз, аввалроқ ўзбекистонлик ҳарбий хизматчилар 23 августдан 5 сентябрга қадар бўлиб ўтадиган Халқаро армия ўйинларида иштирок этиши хабар қилинган эди. АрМИ-2020 да улар Россия ҳудудида бўлиб ўтадиган 12 та мусобақаларда иштирок этишади.