ТОШКЕНТ, 5 авг — Sputnik. Енгил вазн тоифасида UFC чемпиони Ҳабиб Нурмагомедов Ўзбекистон герби акс этган либосли суратини Instagram саҳифасига жойлаштирди.
Ҳабибнинг Ўзбекистон герби акс этган либосдаги сурати бир миллиондан ортиқ лайк тўплади
Ушбу сурат бир неча соат ичида бир миллиондан зиёдроқ лайк ва 18 мингга яқин изоҳ тўплашга улгурди.
“Саволлар ҳар доим бўлади, улар кам эмас. Энг асосийси, уларнинг жавобини билишинг, хом ҳаёллар миянгга ўрнашиб қолиши мумкин. Жангга 80 кун қолди”, — дея шарҳ ёзган Ҳабиб сурат остида.
Эслатиб ўтамиз, россиялик яккакурашчи Ҳабиб Нурмагомедов Ўзбекистон MMA ассоциацияси таклифи билан GFC 20 мусобақасининг фахрий меҳмони бўлган эди.
Ҳабиб Нурмагомедов UFC 254 мусобақаси доирасида 24 октябрь куни Жастин Гэтжига қарши октагонга кўтарилади.