ТОШКЕНТ, 5 авг — Sputnik. Украиналик топ-модель Дарья Кирилюк ва унинг йигити ва дўстлари Туркияда пляж қоровуллари томонидан калтаклангани юзасидан шикоят қилди.
Туркиянинг Snob Magazin нашри “Чешме” курортида Кирилюк билан боғлиқ ҳодиса акс этган видеони эълон қилди.
Бундан аввал Кирилюк инстаграмда Момо пляжида қоровуллар ҳужумига учрагани ҳақида маълум қилганди. Унинг сўзларига кўра, тўрт нафар аёл калтакланган.
Пляж маъмурияти ушбу ҳолат ҳудуд ташқарисида юз бергани ва унинг ходимлари бунга алоқаси йўқлигини маълум қилган.