Коронавирус устидан ғалабадан сўнг АҚШни "олтин аср" кутмоқда, деди Америка етакчиси Дональд Трамп.
Москва давлат университети АҚШни ўрганиш бўйича Рузвельт номидаги жамғармаси директори Юрий Рогулевнинг сўзларига кўра, Трампнинг сўзлари ва баёнотлари шунчаки риторикадир, чунки фактлар билан тасдиқланмаган.
"У аллақандай муваффақиятларни намойиш этиши керак, чунки сайловлар яқинлашмоқда. У оптимизмни уйғотиши, ҳаммаси яхши кетаётганини ва келажакда бундан ҳам яхшироқ бўлишини айтиши керак", - деди мутахассис Sputnik радиосининг эфирида.
Рогулевнинг таъкидлашича, Трамп бундай баёнотларни бир неча бор берган.
Шу билан бирга, эксперт АҚШ дунё устидан ҳукмронлик қилиш сиёсатини давом эттирса, катта муаммоларга дуч келишига ишонч билдирди.
"Бундай сиёсатни олиб боришда АҚШ янада кўпроқ қийинчиликларга дуч келади. Шунинг учун мен буни "олтин аср", ёки аниқроғи, сўнгги йилларда бу каби олиб борган сиёсати билан АҚШ учун оптимистик келажак келади деб ҳисобламайман", - дея хулоса қилди Рогулев.