ТОШКЕНТ, 19 июл — Sputnik. Россиянинг “Локомотив” футбол клуби ўзбекистонлик 18 ёшли яримҳимоячи Жасур Жалолиддиновнинг трансфери бўйича келишувга эришди.
Бу ҳақда спортчининг агенти Юрий Белоус Sports.ru. билан суҳбатда маълум қилди.
Унинг сўзларига кўра, Жалолиддинов ўз тенгқурлари орасидаги 18 ёшли энг иқтидорли футболчи саналади. У Осиёнинг 5 нафар энг яхши ёш футболчилари сафидан жой олган. Ҳозирда у “Бунёдкор” клубида тўп суради.
“The Guardian таҳлилчиларига кўра, у ўз ёши тоифасидаги жаҳоннинг энг яхши 60 нафар футболчисидан бири. У жуда яхши футболчи”, - дея қўшимча қилган Юрий Белоус.