ТОШКЕНТ, 16 июл - Sputnik. Ерда одамлар сони ўсишининг чўққиси 2064 йилда рўй беради, деб ёзади "Известия".
Олимлар ҳалқаро жамоаси 2064 йилга келиб, сайёрада 9,7 миллиард одам яшайди деган прогнозни туздилар.
XXII аср бошига келиб бизнинг сонимиз 9 миллиардгача камаяди, деб ҳисоблайди мутахассислар. 2100 йилга келиб аҳолиси энг кўп бўлган беш мамлакат - Ҳиндистон, Нигерия, Хитой, АҚШ ва Покистон бўлади. Вашингтон университети Тиббиёт мактабининг Соғлиқ кўрсаткичлари ва баҳолаш институти тадқиқотчилари, агар иммиграция паст даражадаги туғилишни қопламаса, 195 мамлакатнинг 183тасининг аҳолиси камайишини тахмин қилишмоқда.
Кейинги асрнинг бошига келиб, қаторида Япония, Таиланд, Италия ва Испания бўлган 20 дан ортиқ давлатлар аҳолиси икки баравар камаяди. Хитой аҳолиси сони 48 фоизга қисқаради.
Олимлар ҳисоб-китобларига кўра, 2100 йилда дунёда 65 ёшдан ошган 2,37 миллиард одам ва 20 ёшгача 1,7 миллиард одам яшайди.