ТОШКЕНТ, 5 июл — Sputnik. Ўзбекистонда ISUZU D-Max негизидаги янги тез тиббий ёрдам автомобиллари ишлаб чиқарилади. Бу ҳақда SamAvto матбуот хизмати хабар қилмоқда.
“Ушбу автомобиль мазкур муҳим фаолият учун айни муддао, юқори ўтувчанликка, манёврликка эга ҳамда ишончлилиги ва тежамкорлиги билан ажралиб туради”, - дейилган хабарда.
Мазкур автомобиль тиббиётнинг айнан зарур бўлган йўналишига қараб, талаб ва кўрсатмаларга мувофиқ қўшимча ускуналар билан жиҳозланиши мумкин.