ТОШКЕНТ, 30 июн — Sputnik. Дунёда COVID-19 пандемияси тарқалиши айрим давлатларда вазият яхшиланганига қарамасдан тезлашмоқда. Бу ҳақда Жаҳон соғлиқни сақлаш ташкилоти раҳбари Тедрос Гебрейесус маълум қилди.
“Гарчи кўп мамлакатлар муайян бир ютуққа эришган бўлса-да, глобал пандемия аслида жадаллашмоқда. <...> Барчамиз ушбу пандемия якунланишини хоҳлаймиз. Ҳаммамиз ўз ҳаётимиз билан яшашни истаймиз. Аммо аччиқ ҳақиқат шуки, у ҳатто якунланишга ҳам яқин эмас”, - деди у.
Гебрейесус 30 июнь куни ташкилот Хитойда янги турдаги пневмония ўчоғи ҳақидаги биринчи хабар олганига роппа-роса ярим йил бўлиши таъкидлади.
Шунингдек, у олти ой ўтиб дунёда касалланганлар 10 миллион нафардан ошгани, 500 минг киши вафот этганини қўшимча қилди.