Ўзбекистонда дам олиш вақтида COVID-19 коронавирусига чалинган чет эллик туристлар, уч минг доллар ҳажмида пул компенсация оладилар. Бу Ўзбекистон президентининг "Санитария-эпидемиологик хавфсизлик режими талабларига қатъий риоя қилган ҳолда туризм соҳасини ривожлантиришга доир қўшимча чора-тадбирлар тўғрисида"ги қарорида кўзда тутилган.
Россия География жамиятининг аъзоси, Россия Федерациясининг барча ҳудудлари ва барча МДҲ мамлакатлари учун TripTip қўлланмаси асосчиси, Appreal Group раҳбари Андрей Сулейков бу пиар нуқтаи назаридан бу жуда яхши ечим эканини ва ўзининг дадиллиги туфайли ОАВ эътиборини жалб қилиб, Ўзбекистон учун зарур маълумот тўлқинини юзага келтирганини таъкидлади.
"Ҳаётга татбиқ этилиши нуқтаи-назаридан эса, мени фикримча бу ўта нозик масала. Ахир касаллик улар учун хатарли эмас, балки бироз оғриқли бўлиши мумкин, дея тахмин қилиб, шу 3 минг долларни олиш учун касалликни юқтириш имкониятларини излай бошлайдиган умидсиз одамлар ҳам етарли. Қўрқув нелигини билмайдиган бундай одамларни қўллаб-қувватлашнинг истиқболи ўта шубҳали. Лекин умуман олганда ғоянинг ўзи яхши", — деди Сулейков.
Эксперт шунингдек, бошқа мамлакатлар туристларни қандай қилиб жалб қилишга ҳаракат қилишаётгани ҳақида сўзлади. Мисол учун, Япония, турларни харид қилишда авиачипталар нархининг ярмини тўлаб беришни таклиф қилмоқда, Сицилия эса (Италия автоном вилояти - таҳр.) тўртинчи оқшомни "совға" қилмоқда, камига музейларга бепул чипталар ҳам пакетдан ўрин олган.
Тўлиқ изоҳни Sputnik Ўзбекистон радиоподкастида рус тилида тинглашингиз мумкин.