ТОШКЕНТ, 31 май — Sputnik. Тошкентда массаж салони баҳонасида очилган иккита фоҳишахона фош этилди.
Тошкент шаҳар ИИББ хабарига кўра, фуқаролар кўп қаватли уйлардан жой олган салонлардаги массаж таклифлари, турли хил SPA-салонлар ҳақидаги эълонларни текшириб беришни сўраб мурожаат қилишади. Ҳар бир бу каби мурожаат текширилади.
Шундай мурожаатлар бири 22 май куни олинган. Аниқланишича, Юнусобод туманидаги салонлардан бирида 43 ёшли О.У. 500 минг сўм эвазига хилват учун шароит яратган.
Иккинчи ҳолат 27 май куни аниқланган. Тадбир давомида Шайхонтоҳур туманидаги салонлардан бирида 22 ёшли К.М. 100 доллар эвазига икки кишининг қовушиши учун хона ажратиб бериши маълум бўлган.
Ҳар иккита ҳолат юзасидан ЖКнинг 131 моддаси 2 қисми билан (Қўшмачилик қилиш ёки фоҳишахона сақлаш) жиноий иш очилган.