ТОШКЕНТ, 27 май — Sputnik. Ўзбекистонда 1 июндан машина ойналарини тонировка қилиш нархи тушиши ҳақидаги хабар рад этилди.
Аввалроқ ижтимоий тармоқларда 1 июндан бошлаб машина ойналарини тонировка қилиш нархи тушиши кутилаётгани ҳақида хабарлар тарқалди.
“Автотранспорт воситалари ойналарини тонировка қилиш нархлари пасайиши бўйича Ҳукумат қарори ишлаб чиқилмаганлигини маълум қиламиз”, - дейилади ИИВ ЙҲХББ хабарида.
Бошқарма аҳоли ўртасида ёлғон ахборот тарқатганлик учун жавобгарлик мавжуд эканлигини эслатиб ўтган.