ТОШКЕНТ, 20 май — Sputnik. Сурхондарё вилояти ҳам коронавирусдан холи ҳудудга айланди. Бу ҳақда Соғлиқни сақлаш вазирлиги хабар қилмоқда.
Сўнгги соатларда Тошкент шаҳрида 17, Хоразм вилоятида 2, Сурхондарё вилоятида эса сўнгги 1 нафар коронавирусга чалинган бемор тузалди ва реабилитацияга кузатилди.
Сурхондарёлик сўнгги бемор касалликни коронавирусга чалинганлар билан мулоқотда юқтириб олган эди.
Шу тариқа, Сурхондарё вилояти ҳам Жиззах, Қашқадарё ва Фарғона вилоятлари каби коронавирусдан холи ҳудудлар сафидан ўрин олди.
Мамлакат бўйлаб коронавирус инфекциясидан бутунлай соғайганлар 2369 нафарга етди.