ТОШКЕНТ, 18 май — Sputnik. Навоийда ноқонуний симоб савдоси билан шуғулланган 70 ёшли фуқаро қўлга олинди. Бу ҳақда вилоят ИИБ хабар қилмоқда.
Хабарда ёзилишича,13 май куни Кармана тумани “Уйрот” МФЙ ҳудудида 70 ёшли бухоролик фуқаро Н.К. 5 кг 300 граммни симобни 26 минг долларга сотаётганда қўлга олинган.
Фуқаро ушбу жиноий ишни ўғиллари Н.А. ва Н.Б.лар билан шерикчиликда содир этган. Симобни Н.А.нинг “Жентра” автомашинада ёлланма қўриқчи оғир атлетика устаси О.Р. ҳимоясида олиб келишга уринган.
Холислар иштирокида Н.К.дан симоб кимёвий моддаси ва пуллар ҳужжатлаштириб олинган.
Ҳозирда мазкур ҳолат юзасидан терговга қадар текшириш ҳаракатлари олиб борилмоқда.