ТОШКЕНТ, 9 май — Sputnik. Қозоғистон президенти Қасим-Жомарт Тоқаев тошқиндан зарар кўрган барча аҳоли уй жой билан таъминланиши ва уларга компенсация берилишини маълум қилди.
Бу ҳақда Қозоғистон етакчиси бугун Twitter аккаунтида хабар ёзди.
“Тошқиндан зарар кўрган Туркистон вилояти Мақтаарал туманининг аҳолиси янги ёки таъмирланган уй-жой билан тўлиқ таъминланади. Уларнинг ҳар бирига республика бюджетидан 100 минг тангадан берилади”, - деб ёзилган хабарда.
Шунингдек, президент вилоятда вазият тўлиқ назоратга олинганини маълум қилди.