Қарши шаҳрида 7 майдан такси хизматига рухсат берилади

Таксиларда йўловчилар сони 3 кишидан ошмаслиги ва карантин қоидаларига амал қилиниши лозим. "Дамас" автомашинаси ва автобусларга рухсат берилмайди
Sputnik

ТОШКЕНТ, 6 май - Sputnik. Эртадан, 7 майдан Қарши шаҳрида йўналишсиз таксиларга рухсат берилиши эълон қилинди.

Ўзбекистонда автомобиллар учун стикер бекор қилинади

Бунда йўловчилар сони 3 кишидан ошмаслиги ва карантин қоидаларига амал қилиниши лозим. "Дамас" автомашинаси ва автобусларга рухсат берилмайди, дейилади хабарда.

Таъкидланишича, шаҳарда шунингдек, сартарошхоналар фаолияти ҳам қайта тикланади.

Эслатиб ўтамиз, мамлакатда эпидемиологик вазият ижобий томонга ўзгаргаётгани боис 22 апрелдан карантин шароити босқичма-босқич юмшатила бошлаган эди.

Куни кеча президент Шавкат Мирзиёев томонидан ўтказилган йиғилишда эпидемиологик вазият яхши бўлган ҳудудларда, санитария талабларини белгилаган ҳолда, ноозиқ-овқат дўконлари, тиббий диагностика, такси хизмати, таъмирлаш, тикувчилик, маиший техника ва пойабзал тузатиш, сартарошхоналар фаолиятига рухсат бериш кераклиги қайд этилган эди.