ТОШКЕНТ, 30 апр - Sputnik. Россияда коронавирус инфекциясининг тарқалиши чўққиси май ўрталарида ўтиши мумкин. Ушбу фикр билан Роспотребнадзор Эпидемиология Марказий илмий-тадқиқот институти директори, тиббиёт фанлари доктори, профессор, РФА академиги Василий Акимкин Биринчи каналнинг эфирида бўлишди.
"Прогностик маълумотларга кўра, энг юқори чўққи - максимал касалланиш май ойининг ўрталарида юз беради. Шундан сўнг касалланиш пасаяди", - деб тахмин қилди эксперт.
Унинг сўзларига кўра, чеклаш чоралари инфекцияни кўпайиши суръатини пасайишига ижобий таъсир кўрсатмоқда. Бироқ Акимкин, коронавирус инфекциясини кўпайиши теккислигига чиқиш ҳақида гапиришга ҳали эрта, деб ҳисоблайди.
"Бугун биз одамларнинг тарқалишидаги ижтимоий омилнинг асл аҳамиятини кузатяпмиз, мулоқотлар йўқлиги имкониятларини. <...> Биз касалланишнинг силлиқ тенденциясини кузатяпмиз", - деб таъкидлади Акимкин.
Профессорнинг таъкидлашича, табиат омили ҳам коронавирус тарқалишининг секинлашишига таъсир қилиши мумкин.
"Табиий изоляция - бу ҳар қандай микроорганизм учун зарарли бўлган қуёш нурлари, ултрабинафша нурлар", - дея хулоса қилди у.
COVID-19 пандемияси
Бутунжаҳон соғлиқни сақлаш ташкилоти 11 март куни COVID-19 янги коронавирус инфекцияси тарқалишини пандемия деб эълон қилди. БССТнинг сўнгги маълумотларига кўра, дунёда 2,9 миллиондан ортиқ касалланиш ҳолати қайд этилган, 202 мингдан ортиқ одам вафот этган.
Россияда 99 мингга яқин юқумли касалликка чалиниш ҳолати қайд этилди, ўн мингдан ортиқ одам даволанди, мингга яқин вафот этди. Ҳукумат аҳолини барча эҳтиёт чораларини, жумладан жамоат жойларида масофани сақлашга чақирди.
Ўзбекистонда касалланганлар сони 2002 кишини ташкил этади. Тузалганлар 1096 нафар. 9 киши вафот этди.