ТОШКЕНТ, 19 апр — Sputnik. Карантин туфайли Тошкент шаҳри кўчаларига ўрнатилган тўсиқлар ҳақида маълумот берувчи портал ишга туширилди.
Геопортал “Давергеодезкадастр” қўмитаси ҳамда Тошкент шаҳар ИИББ ҳамкорлигида яратилган.
Ушбу геопорталда тўсиқлар жойлашган жой харитада қизил чизиқлар билан акс эттирилган бўлиб, уларнинг сони бугунги кунда 1415 тани ташкил этмоқда.
Тошкент бўйлаб қаерларга карантин тўсиқлари ўрнатилганини кўрсатувчи портал ишга тушди
© Госкомземгеодезкадастр
Геопортал барча учун очиқ шаклда яратилган. Унга covid19.geoportal.uz манзили орқали кириш ҳамда фойдаланиш мумкин.
Эслатиб ўтамиз, карантин туфайли пойтахтнинг кўплаб кўчалар ва маҳаллаларда вақтинча қатновларни чеклаш мақсадида тўсиқлар ўрнатилган.