ТОШКЕНТ, 8 апр - Sputnik. Ўзбекистонда коронавирус инфекцияси қайд этилганлар сони 545 нафарга етди.
Бу ҳақда Соғлиқни сақлаш вазирлиги ахборот хизмати маълум қилмоқда.
Коронавирус пандемияси 180 дан ортиқ мамлакатни эгаллаб олди. БССТ COVID-19ни юқтирган 1,2 миллион нафар беморлар ҳақида хабар бермоқда, 72 мингдан зиёди вафот этган.
Айни вақтда вирусга чалинганлик бўйича энг кўп ҳолатлар қайд этилган мамлакатлар орасида АҚШдан ташқари, Испания ва Италия ҳам мавжуд. Айни кунда Россияда коронавирусга чалинганлик бўйича 7497 та ҳолат аниқланган, 494 киши тузалган, 58 нафар бемор вафот этган.