ТОШКЕНТ, 8 апр - Sputnik. Афғонистон ҳукумати "Толибон"* ҳаракати билан битим имзолашдан воз кечгудек бўлса, Вашингтон мамлакатдан америка қўшинларини олиб чиқиши мумкин, дея афғон ҳукуматини огоҳлантирди АҚШ Давлат котиби Майк Помпео.
Бу ҳақда NBC телеканали маълумотига таянган ҳолда РИА Новости хабар бермоқда.
Помпео 23 март куни олдиндан эълон қилинмаган ташриф билан Қобулга келган ва мамлакат президенти Ашраф Ғани билан учрашган эди. Эртаси куни давлат котиби Вашингтоннинг Қобулга ёрдами миллиард долларга қисқараётгани ҳақида баёнот берди.
Февраль ойи охирида Қатарда АҚШ ва "Толибон"* ҳаракати 18 йилдан буён давом этаётган урушдан кейин илк маротаба тинчлик битимини имзолади. Ушбу келишув ислом республикасидан 14 ой ичида чет эл қўшинларини олиб чиқишни ва асирлар билан ўзаро алмашувдан сўнг афғонлараро мулоқот бошланишини назарда тутади.
Америка томони ушбу давлатда ҳарбий хизматчилар сонини 8,6 мингтагача камайтириш мажбуриятини ўз зиммасига олди. Помпеонинг сўзларига кўра, АҚШ ҳукумати "Толибон" раҳбарияти ушбу келишувни бажариш учун бош имкониятни ишга солганига ишонади.
* Россияда таъқиқланган террористик ташкилот