ТОШКЕНТ, 7 апр — Sputnik. Тожикистон президенти Эмомали Раҳмон ва Душанбе мэри Рустам Эмомали пойтахтнинг қатор боғларга ташриф буюрди, деб хабар қилди Sputnik Тожикистон.
Дастлаб улар Ахмад Дониш номидаги боққа келишди. Боғни ободонлаштириш мақсадида миллионга яқин лолалар экилган.
Мамлакат раҳбари ташриф давомида ноёб декоратив гуллар ва дарахтлар ўстириш ва парваришлаш ишлари билан танишди.
Боғда фавворалар, гулчамбарлар билан безатилган йўлакчалар, ранг-баранг чироқлар, скамейкалар, инсон саломатлиги учун фойдали бўлган ноёб дарахтлар экилган.
Бундан ташқари, Эмомали Раҳмон ўғли билан Буюк Кир паркига келишди. Унинг ҳудудида мини-футбол, теннис корт, спорт майдони ташкил этилган.
Боғ ишчилари томонидан бу мавсумда 26 турдаги 552 минг дона лола экилган.
Шунингдек, мамлакат раҳбарияти “Наврўзгоҳ” паркига ҳам ташриф буюрди. У ерда кўплаб ноёб дарахтлар, 5 минг турли лола, олхўри, гилос ва магнолия кўчатлари экилган.
Таъкидланишича, катта гўзал шаршара ва фавворалар “Наврўзгоҳ” паркининг асосий безаги ҳисобланади.
Президент Эмомали Раҳмон пойтахт боғлари билан танишгандан сўнг, кўча ва хиёбонларни, шунингдек, дам олиш масканларини ободонлаштириш бўйича кўрсатмалар берди.