ТОШКЕНТ, 2 апр - Sputnik. Ўзбекистонда коронавирус инфекцияси аниқланган шахслар сони 3 тага ошиб, 190 нафарни ташкил этмоқда, деб хабар бермоқда Соғлиқни сақлаш вазирлиги.
Сўнгги маълумотларга кўра, дунёнинг 203 давлатида жами 935 мингдан зиёд нафар беморларда коронавирус инфекцияси аниқланган, улардан 194 мингдан зиёди касалликдан даволанган. 47 мингдан зиёд инсон эса вирус қурбонига айланган.
Ўзбекистонда ушбу касалликдан даволанганлар сони 12 кишини ташкил этмоқда. ССВ хабарига кўра, тез орада яна ўн нафар беморга жавоб берилади.