ТОШКЕНТ, 2 апр — Sputnik. Олий ва ўрта махсус таълим вазирлиги ижтимоий тармоқларда тарқалган талабалар ўқиши 2 сентябрдан бошланиши ҳақидаги хабарни рад этди.
“Ижтимоий тармоқларда республикамиздаги барча олий таълим муассасаларида ўқиш 2020 йилнинг 2 сентябридан бошланиши тўғрисидаги асоссиз хабарлар тарқалмоқда. Олий ва ўрта махсус таълим вазирлиги томонидан бу мазмунда эълон берилмаганлигини расман маълум қиламиз”, - дейилган хабарда.
Ўзбекистонда коронавирус инфекцияси тарқалишининг олдини олиш мақсадида талабалар 2020 йил 16 мартдан икки ҳафта муддатга таътилга чиқарилган эди. Карантин даврида талабаларга белгиланган тартибда стипендия тўлаб берилади.