ТОШКЕНТ, 27 мар — Sputnik. Карантин эълон қилинганлиги муносабати билан аҳолига пенсия тўловларини маҳалла фуқаролари йиғини биноларида тарқатиш тўхтатилган.
29 Феврал 2020, 16:23
18 март санасидан бошлаб, маҳалла фуқаролар йиғини биноларида аҳолини тўплаб, навбат билан пенсия тарқатилиши тўхтатилган. Эндиликда пенсия ва нафақа пуллари бевосита аҳолининг уйларига етказиб берилмоқда.
Бундан ташқари, жорий йилнинг апрель ойида ҳам пенсия ва нафақа пуллари барча фуқароларнинг яшаш уйларига нақд шаклда етказиб берилиши айтилмоқда.
26 март ҳолатида 2 трлн 103,1 млрд сўмлик ёки 98 фоиз пенсия маблағлари нақд пул шаклда тарқатиб берилган бўлиб, 405 мингга яқин пенсионерларга 252,8 млрд сўм пенсиялар банк карталари орқали тўланган.