ТОШКЕНТ, 23 мар - Sputnik. Ўзбекистонда коронавирус инфекцияси билан касалланганлар сони яна иккитага ошди. Эндиликда улар сони 45 нафарга етди.
"Ушбу инфекция аниқланган икки фуқаро хорижда бўлиб коронавирусга чалинган беморлар билан яқин мулоқотда бўлишган", - деб хабар қилмоқда Соғлиқни сақлаш вазирлиги.
Бутунжаҳон соғлиқни сақлаш ташкилоти 11 март куни янги турдаги COVID-19 коронавирус эпидемиясини пандемия, деб эълон қилди. Айни вақтда дунё бўйича уч юз мингдан зиёд инсон ушбу инфекция билан беморланган, 13 мингдан зиёди вафот этган.