ТОШКЕНТ, 12 мар - Sputnik. Совет Иттифоқида улғайган кўпчилик одамлар бой бўлишни ахлоқсиз деб ҳисоблашади. Бундан ташқари, катта даромадга эга бўлган ҳар бир киши душман деган фикр оммавий онгда мустаҳкамланди. Мутахассисларнинг таъкидлашича, вазиятни ўзгартириш учун болалардан бошлаш керак, шунда улар ўсиб улғаяди, иштиёқ билан ўқийди ва яхши ҳаёт учун, ўзлари ва оилалари учун ишлайди.
Балиқни эмас, қармоқни беринг
Президент Шавкат Мирзиёев Ўзбекистон тарихида биринчи марта 2020 йил 24 январда эълон қилган парламентга йўллаган мурожаатида қамбағалликни камайтиришни устувор йўналиш сифатида белгилаб берди. Дастлабки ҳисоб-китобларга кўра, аҳолининг 12-15% ёки 4-5 миллион киши камбағал. Ушбу фуқароларнинг кунлик даромади 10-13 минг сўмдан ошмайди.
Бандлик ва меҳнат муносабатлари вазирининг ўринбосари Баҳодир Умурзоқов, 11 март куни Халқаро Пресс-клуб йиғилишида, даромадлари тўлиқ ҳаёт учун етарли бўлмаган одамларнинг кўпи мотивацияга эга эмас.
"Буюк Ипак йўлида яшаган бизнинг ота-боболаримиз доимо савдо-сотиқ билан шуғулланишган. Бунда бутун жараён ишончга асосланган бўлган. Ҳозир бизнесда бундай ишонч йўқ. Кўпчиликда мотивация йўқлиги, лоқайдлик ва дангасалик жамиятнинг ҳозирги ҳолатининг асосий сабаблари", - деди Умурзоқов.
Сўнгги йилларда Ўзбекистонда аҳолини тадбиркорлик фаолиятига жалб қилиш жараёни фаол давом этмоқда, ўз бизнесини ривожлантириш учун имкониятлар кўп. Бўлажак ишбилармонларга лойиҳаларни ишлаб чиқишда ёрдам берилмоқда, кредит берилмоқда, улар учун оилавий тадбиркорликни қўллаб-қувватлаш марказлари очилган. Аёллар ва ёшларга, шу жумладан лицей ва коллеж битирувчиларига алоҳида эътибор қаратилмоқда.
Бироқ, Баҳодир Умурзоқов таъкидлашича, ҳамма ҳам бизнес қила олмайди, шунинг учун оммавий тарзда кредит берилиши вазиятдан чиқишга имкон бермайди.
"Аввало, аҳолини касбларга ўргатиш керак", - деди вазир ўринбосари.
Таълим даво сифатида
Ўзбекистонда 2020 йил - фан, таълим ва рақамли иқтисодиётни ривожлантириш йили. Мирзиёевнинг парламентга йўллаган мурожаатидан кейин ишлаб чиқилган 2020 йилги давлат дастурига аҳолининг билим даражасини ошириш, фуқароларнинг касбий маҳоратини ошириш ва уларнинг мотивациясига ижобий таъсир кўрсатиши кутилаётган йўналишлар киритилган.
Меҳнат вазирлиги ва яқинда ташкил этилган Маҳалла ва оилани қўллаб-қувватлаш вазирлиги ўртасида 50 га яқин дастурни амалга ошириш белгиланган битим тузилган бўлиб, уларни молиялаштириш учун халқаро молия институтларидан маблағ жалб қилиш режалаштирилган.
"Аввало, биз мўхтож аёллар ва ёшларни иш билан таъминлашга кўмаклашиш давлат жамғармаси маблағлари ҳисобидан турар жой, овқатланиш билан таъминланган ҳолда касбий тайёргарлик бўйича бепул курсларга таклиф қиламиз. Агар ўтган йили 35 мингга яқин одам шу каби курсларда ўқиган бўлса, 2020 йилда биз 50 мингдан ортиқ одамни қамраб олишни режалаштирмоқдамиз”, - деди Баҳодир Умурзоқов.
Агар ерга сув берсангиз, ер сизни боқади
Клуб йиғилиши иштирокчилари муҳокама қилган яна бир муаммо бу ерлардан самарасиз фойдаланиш, уларга, мисол учун, у ерда мевали дарахтлар экиш мумкин. Сув таъминоти муаммоси бўлмаган уй-олди ер участкаси қўшимча даромад манбаи бўлиши мумкин.
Бу йил қишлоқ хўжалиги экинларни экиш янги тизим бўйича ташкил этилади. Президентнинг Халқ қабулхоналари раҳбарлари маҳалла раислари билан биргаликда уйма-уй юриб, фуқароларга ўз ғояларини амалга оширишда ёрдам беришга ҳаракат қиладилар. Кам таъминланган оилаларга сабзавот уруғлари, мевали дарахтлар ва узум кўчатлари етказиб бериш учун маҳаллий бюджетларнинг захира фондидан маблағ ажратиш режалаштирилмоқда.
Шахсий участкаси бўлган ишсиз ўзбекистонликлар иссиқхоналар ташкил этиш, уруғлар ва кўчатлар сотиб олиш учун иш билан таъминлашга кўмаклашиш Давлат фондидан субсидиялар олишлари мумкин бўлади.