ТОШКЕНТ, 10 мар — Sputnik. Россия Федерацияси Президенти касбий таълим муассасалари ва олий ўқув юртларининг кундузги таълим йўналишида таҳсил олаётган чет эл фуқаролари ва фуқаролиги бўлмаган шахсларни иш билан таъминлаш тартибини соддалаштирувчи қонунни имзолади. Бу ҳақда Ташқи меҳнат миграцияси агентлиги матбуот котиби маълум қилмоқда.
Жорий йилнинг 5 август куни кучга кирадиган ушбу янги қонун ҳужжатига кўра, бундан буён Россияда ўқишини давом эттираётган чет эл фуқаролари махсус рухсатнома ёки патент олмасдан ўзи истаган ташкилотларда ишлаши мумкин.
Аввалроқ эса чет эллик талабалар ўзлари таълим олаётган университет ва олий ўқув юртлари томонидан таъсис этилган ташкилотларда патентсиз ишлаши мумкин бўлган.
Бундан ташқари агар чет эллик талаба ўқишни тугатган ёки ўз ихтиёрига кўра тўхтатган тақдирда, ишлашни тўхтатиш, меҳнат ёки хизмат кўрсатиш шартномасини ҳам бекор қилиш керак.