ТОШКЕНТ, 1 мар — Sputnik. Ўзбекистонга Хитой Коммунистик партияси марказий қўмитаси сиёсий бюроси аъзоси, ХКП МҚнинг Ташқи ишлар бўйича комиссияси канцелярияси раҳбари Ян Цзечи бошчилигидаги делегация ташриф буюради.
ТИВ матбуот хизматининг аниқлик киритишича, ташриф 2-3 март кунлари амалга оширилади.
Таъкидланишича, бўлажак музокараларда олий ва юқори даражалардаги учрашувлар чоғида эришилган келишувларни амалга оширишнинг бориши ҳамда икки томонлама ҳамкорлик истиқболларини муҳокама қилиш режалаштирилган.
Шунингдек, халқаро ташкилотлар доирасидаги муносабатларни ривожлантириш муҳокама қилинади.