ТОШКЕНТ, 26 фев – Sputnik. Футбол юлдузи Криштиану Роналдунинг ўғли Instagram’да аккаунт очди ва бир суткада унинг биринчи видеоси 3,3 млн марта кўрилди.
Криштиану-кичик фойдаланувчиларга инглиз, испан ва португал тилда мурожаат қилди. Ҳозирги вақтда унинг 974 минг обуначиси бор.
Криштиану Роналду ўғли 10 йил олдин суррогат онадан дунёга келган. У отаси сингари футбол билан шуғулланади.
Эслатиб ўтамиз, ўтган йил куз мавсумида “Ювентус” ҳужумчиси Криштиан Роналдунинг ўғли болалар жамоаси учун муваффақиятли мавсум ўтказгани ҳақида хабар бергандик. Ёш форвард клуб учун 28 та ўйин ўтказди, уларда 58 та гол киритди.