Ольга Бузова тошкентлик мухлисларидан ҳайратда

ТОШКЕНТ, 18 фев - Sputnik. Куни кеча Тошкентдаги “Халқлар дўстлиги” саройида россиялик хонанда ва телебошловчи Ольга Бузованинг концерти бўлиб ўтди.

Концертдан сўнг ижтимоий тармоқларда пайдо бўлган фотосуратлар ва видеолавҳаларга кўра, концерт муваффақиятли ўтган. Зал томошабинларга тўла бўлган.

Маълумки Бузованинг ўзи ҳам инстаграмда жуда фаол. У Тошкентда келган замонидан бошлаб уни қандай кутиб олишгани, нималар совға қилишгани  ва қандай таомлар билан сийлашганини ҳақди бир неча фотосуратлар жойлаштирган.

“Тошкентликлар, сиз ўз муҳаббатингиз билан мени ҳайратда қолдирдингиз, сизга катта раҳмат”, - деб ёзган у ўзининг инстаграмида.

Эслатиб ўтамиз, бу Ольга бузованинг Тошкентдаги биринчи концерти эди ва Ўзбекистонга биринчи ташрифи эди.