ТОШКЕНТ, 12 фев - Sputnik. Россиянинг Ўзбекистондаги элчиси Владимир Тюрденев Тошкентда истиқомат қилувчи Улуғ Ватан уруши фахрийлари ва меҳнат фронти заҳматкашлари - Россия Федерацияси фуқароларига Ғалабанинг 75 йиллиги шарафига чиқарилган юбилей медалларни тантанали равишда топширди. Бу ҳақда Россиянинг Ўзбекистондаги элчихонасининг консуллик бўлими хабар қилди.
Медаллар Россия президенти Владимир Путин номидан топширилди. Уларни Валентина Павловна Делева, Светлана Петровна Мальцева ва Анна Сергеевна Киктева қабул қилишди.
Фахрийларга мурожаат қилиб, Тюрденев “ уларнинг жасорати – жанг қилганларнинг ҳам, фронт ортида ишлаганларнинг ҳам, кўплаб авлодлар учун тинч ва муносиб ҳаётни белгилаганини” таъкидлади.
“Сизнинг жасоратингиз бизга қуриш ва жасурлик билан олға боришга имконият берди!” - деди Россия дипломатик ваколатхонаси раҳбари.
Ўзбекистонда мингга яқин уруш фахрийлари ва 40 мингдан ортиқ меҳнат фронти ишчилари яшайди. Улуғ Ватан урушида 1,4 миллиондан ортиқ Ўзбекистон аҳолиси қатнашган, улардан 400 мингдан ортиғи ҳалок бўлган, 130 минг киши бедарак йўқолган.