ТОШКЕНТ, 5 фев — Sputnik. Жамоатчилик ижтимоий тармоқларда Тошкент ер усти метрополитенининг Сергели йўналиши қурилишидаги суратларни эълон қилиб, унинг мустаҳкамлиги борасида ташвиш билдирмоқда.
“Ўзбекистон темир йўллари” бунга муносабат билдирди ва кўрсатилган фуқаролик позиция ва бефарқ бўлмаганлик учун миннатдорчиик изҳор этди.
Компания Ўзбекистон ҳудудидаги ҳар бир объект қурилиш сифати устидан давлат, идоравий, муаллифлик ва жамоатчилик назоратининг кўп босқичли ва жуда самарали тизими мавжудлигига ишонтирган.
Таъкидланишича, суратларда тасвирланган ҳолат метро тузилишининг юк кўтариш қобилиятига ёки мустаҳкамлигига таъсир қилмайди.
“Суратларда кўрсатилган ёриқлар куч хусусиятига эга эмас, балки монтаж ишлари давомида пайдо бўлади, ва табиийки, улар пардозлаш ишлари давомида бартараф этилади”, - дейилган хабарда.
Эслатиб ўтамиз, аввалроқ Тошкентда қурилаётган ҳалқа метро линиясининг биринчи босқичи бўлган “Дўстлик – Қўйлиқ” участкасида 6 та бекат қуриб битказилгани хабар қилинган эди.