ТОШКЕНТ, 31 январ - Sputnik. 31 январ куни Олмаотада анъанавий равишда тор ва кенгайтирилган шаклда Евросиё ҳукуматлараро кенгашининг йиғилиши бўлиб ўтади. Унда Россия, Қозоғистон, Арманистон, Беларусь ва Қирғизистон бош вазирлари: Михаил Мишустин, Асқар Мамин, Никол Пашинян, Сергей Румас, Мухаммедкалый Абылгазиев иштирок этади, деб хабар қилмоқда Sputnik Қозоғистон.
Тор доирадаги учрашув маҳаллий вақт билан соат 14: 00да бошланади ва ҳозирда Қозоғистон, Россия ва Беларусь ҳукуматлари раҳбарлари, Арманистон ва Қирғизистон бош вазирларининг ўринбосарлари "Глобал иқтисодиётнинг рақамли келажаги" форумида иштирок этмоқдалар. Бу йил унинг асосий мавзуси - катта маълумотлар ва сунъий интеллект асосида минтақанинг барқарор ривожланишини йўллари.
Михаил Мишустин учун Қозоғистонга ташриф янги лавозимдаги чет элга амалга ошираётган биринчи сафардир.
"Бош вазир сифатида биринчи марта Қозоғистонга ташриф буюрганимиз рамзий маънога эга. Бизни узоқ вақтдан бери дўстлик ва шериклик алоқаларини боғлаб туради", деди Мишустин қозоғистонлик ҳамкасби Асқар Мамин билан учрашувда. Россия Вазирлар Маҳкамаси раҳбари сўзларини РИА Новости иқтибос келтиради.
Олмаотадаги учрашувда бош вазирлар 12 та масалани муҳокама қилишлари кутилмоқда. Евроосиё иқтисодий иттифоқининг (ЕОИИ-ЕАЭС) фаолияти ва унинг меъёрий-ҳуқуқий базасини такомиллаштириш мунозаранинг асосий йўналиши ҳисобланади.
"Ҳукумат раҳбарлари халқаро қоидалар ва бошқа интеграция бирлашмаларининг тажрибасини ҳисобга олган ҳолда, ЕАЭСнинг махсус ҳимоя, антидемпинг ва қоплаш чораларини қўллаш механизмларини такомиллаштириш бўйича бир қатор масалаларни, шунингдек, аъзо давлатларнинг тегишли меъёрий-ҳуқуқий базани ўзгартириш бўйича таклифларини кўриб чиқадилар", - деди Эльмир Тагиров Россия хукумати аппарати раҳбарининг ўринбосари ташриф олдидан.
Унинг сўзларига кўра, ЕОИИнинг ягона товар бозори самарадорлигини ошириш мақсадида "фитосанитария ва ветеринария назорати соҳасида миллий кузатув маълумот тизимлари ва ахборот тизимларининг интеграциясини муҳокама қилиш", шунингдек давлат харидлари соҳасидаги миллий режим фаолиятининг айрим жиҳатлари муҳокама қилинади.
Шунингдек, учрашув доирасида бош вазирлар алкоголь маҳсулотларининг ўзаро савдосида миллатларусти тартибга солишни жорий этиш тўғрисидаги битим лойиҳасини ишлаб чиқиш жараёнини муҳокама қилиш ва ЕАЭСнинг рақамли транспорт коридорларининг экотизимини шакллантириш бўйича ҳаракатлар режасини тасдиқлаш ниятида. Эльмир Тагировнинг сўзларига кўра, ушбу режа "Иттифоқнинг транспорт ва логистика бозори иштирокчилари ўртасидаги мувофиқликни яхшилашга ёрдам бериш учун ишлаб чиқилган".