ТОШКЕНТ, 28 янв – Sputnik. Тошкентда озарбайжонлик қўшиқчи Emin (Эмин Агаларов) концерт беради, деб хабар қилди iTicket.uz.
Концерт 8 март куни, соат 19.00 да “Халқлар дўстлиги” саройида бўлади.
Мухлислар қўшиқчининг барча асосий хит қўшиқларини тинглашади.
Концерт "Good Love" деб номланган дунё бўйлаб гастроллари доирасида бўлади.
Эмин Агаларов концерт билан республикага биринчи бор келиши эмас: хонанда ўтган йили Халқаро хотин-қизлар куни арафасида Тошкентга ташриф буюрган эди.