ТОШКЕНТ, 28 янв - Sputnik. Афғонистоннинг камида 10 нафар полиция ходими “Толибон” радикал ҳаракатининг назорат-ўтказиш пунктига уюштирган ҳужуми натижасида ҳалок бўлди. Бу ҳақда Ariana News телеканали хабар қилди.
Телеканал маълумотига кўра, ҳодиса Афғонистоннинг шимолий-шарқидаги Баглан провинциясида содир бўлди.
Ўз навбатида Пажвак агентлиги 18 киши ҳалок бўлганини маълум қилди.
Ҳодисанинг бошқа тафсилотлари ҳозирча очиқланмаган.