ТОШКЕНТ, 23 янв — Sputnik. Уч футболчи, жумладан, Элдор Шомуродов Россиянинг “Ростов” футбол клуби билан 5 йиллик шартнома имзолади. Бу ҳақда “Ростов” ФК расмий сайтида хабар қилинди.
“Уч нафар футболчи “Ростов” билан шартномаларини узайтиришди. Жумладан, Элдор Шомуродов, Матиас Норманн ва Данил Глебов клуби билан янги 5 йиллик шартномани имзолашди”, - дейилади хабарда.
Эслатиб ўтамиз, Ўзбекистон миллий жамоаси ва “Ростов” клуби ҳужумчиси Элдор Шомуродов Ўзбекистонда 2019 йилнинг энг яхши футболчиси деб топилгани хабар қилинган эди.