ТОШКЕНТ, 21 янв — Sputnik. Ўзбекистонда қурол ва унинг ўқ-дорилари муомаласи соҳасига доир рухсатнома бериш тўғрисидаги ариза кўриб чиқилганлиги, унинг амал қилиш муддати узайтирилганлиги, рухсатнома қайта расмийлаштирилганлиги ва унинг дубликати берилганлиги учун йиғим миқдорлари маълум бўлди. Тегишли қонун лойиҳасига муҳокамага қўйилди.
Ҳужжат билан қурол ва унинг ўқ-дорилари муомаласи соҳасида юридик шахслар, Ўзбекистон фуқаролари, фуқаролиги бўлмаган шахслар ва чет эл фуқаролари томонидан рухсат бериш тартиб-таомилларидан ўтиш тартибида белгиланган.
Вазирлар Маҳкамасининг қарори лойиҳасига кўра, йиғим миқдорлари қуйидагича кўринишга эга бўлиши мумкин:
- фуқаровий қурол ва унинг ўқ-дориларини, хизмат қуроли ва унинг ўқ-дориларини сақлашга доир рухсатнома – Базавий ҳисоблашнинг 100 фоизи (223 минг сўм);
- ўқотар қуролининг ҳар бир донаси учун базавий ҳисоблашнинг 15 фоизи (33,45 минг сўм).
Қарор ва унга илова қилинган Низомнинг тўлиқ матни билан қуйида танишиш мумкин.