ТОШКЕНТ, 17 янв – Sputnik. Ҳуқуқ тартибот орган ходимлари Нариман Григорянни ўлдиришда гумонланаётган шахсни қўлга олди, деб хабар қилди Тошкент шаҳар прокуратураси.
"Мазкур ҳолат юзасидан Тошкент шаҳар прокуратураси томонидан 14.01.2020 йилда Ўзбекистон Республикаси ЖКнинг 97-моддаси 1-қисми билан жиноят иши қўзғатилиб, дастлабки тергов ҳаракатлари олиб борилмоқда.
Олиб борилган тезкор-қидирув ишлари натижасида Н.Анинг қотили аниқланиб, айб эълон қилинди ва унга нисбатан “қамоқ” эҳтиёт чораси қўлланилди", - дейилган хабарда.