ТОШКЕНТ, 24 дек — Sputnik. Бош прокуратура Тошкентнинг Мирзо Улуғбек туманидаги қасддан одам ўлдириш жинояти юзасидан баёнот берди.
Хабарда ёзилишича, 20 декабрь куни тумандаги Шаҳриобод кўчасида муқаддам судланган фуқаро В.К. бирга яшаб келаётган аёл М.К. билан спиртли ичимлик истеъмол қилган. Сўнгра улар ўртасида ўзаро жанжал юзага келган. Эркак жаҳл қилган ҳолда аёлнинг 4 яшар фарзандини уйнинг 4-қаватидан ерга ташлаб юборган.
Оқибатда вояга етмаган қизалоқ вафот этган. Жиноятчи процессуал тартибда ушланган.
Мазкур ҳолат юзасидан М.Улуғбек тумани прокуратураси томонидан ЖКнинг 97-моддаси 2-қисми “в” банди билан жиноят иши қўзғатилган. Ҳозирда тергов ҳаракатлари олиб борилмоқда.